بدأ العد التنازلي (1)

أكثركم طبعا ما يعرف إني أتمتع بإجازة رعاية مولود فصل دراسي كامل

وتنتهي إجازتي بنهاية الفصل الأول

يا سلام يا فرحتك يا مجرد كلمة

بس بدا العد التنازلي لنهاية إجازتي ,وراح يبدأ العمل الجاد ,اخ بس خسارة

يا محلى الإجازة ..حرية تامة , اطلع على كيفي ..أنام على كيفي.. اصحى على كيفي

ما في منبه إلا لمدارس عيالي ,وارجع أنام

حياة جميلة لا مديرة تقولي أتأخرت على مناوبة ..ولا موجهة تنط كل شوي

بالتحديد باقي ثلاثة أسابيع وثلاثة أيام أحاول استغل كل دقيقة فيها وكل ثانية ,

يارب تبارك لي في هذي الأيام وأحس أنها أطول من إلي راح

طبعا بدأت التجهيزات عندي البارحة خرجت السوق وجبته كله معي ورجعت بيتي

أخر مرة خرجت فيها السوق قبل ثلاثة شهور بالنسبي لي هذي المدة عادية

لأني ما أحب السوق أصلا

تجيني ضيقة منه ليش مدري العالم كلها تطالع فيني وفي أختي الناس شايله كيس.. كيسين

وإحنا ما خلينا كأن العيد جا – بالله وش تتوقعون من وحدة ما راحت السوق لها ثلاثة شهور-

لي خرجة ثانية .. ان شاء الله ما خلصت اغراضي كلها